Австрија ќе ги затвара училиштата ако има недостиг на гас

Австриските власти разработуваат план за вонредна ситуација што би настанала доколку престанат испораките на гас од Русија, со можно повторно затворање на образовните установи во земјата.

Според виенски „Стандард“, Сојузот на градовите во Австрија веќе донел конкретни мерки што ќе бидат применети доколку Австрија остане без гас.

Мерките предвидуваат делумно загревање на канцелариите и јавните установи, што ќе важи и за училиштата.

Доколку дојде до недостиг на гас, училиштата ќе бидат затворени, а наставата ќе се одвива онлајн, како што беше за време на епидемијата на коронавирусот.