Авионот Ербас А320нео на авиокомпанијата “easyJet“, кој летал на линијата од Лондон до Крит, бил пренасочен кон аеродромот во Задар.
Кога авионот требало да премине од воздушниот простор на Република Хрватска во воздушниот простор на Босна и Херцеговина, екипажот на авионот побарал пренасочување кон аеродромот во Задар, каде безбедно слетал во 9:56 часот по локално време.
Според „АвиоРадар“, пренасочувањето на маршрутата било побарано поради здравствената состојба на една патничка.
По пристигнувањето во Задар, итната медицинска помош ја згрижила патничката, која според информациите со кои располага “АвиоРадар“ не била животно загорозена.
На летот имало 184 патници. Авионот го продолжил патувањето кон својата дестинација околу 11 часот по локално време.