Власта ќе побара Уставниот суд да ја оцени одлуката на Иванов да го блокира Законот за јазици

Се разгледуваат неколку опции за надминување на ситуацијата околу Законот за јазици по одлуката на претседателот Ѓорге Иванов да не го потпише указот на законот, бидејќи тој кога сака може да ја урниса надлежноста на парламентот, изјави премиерот Зоран Заев.

-Може да се случи следните 30 закони претседателот да одлучи да не ги потпише и повторно да се гласаат. При повторното гласање, Уставот е јасен дека претседателот мора да го потпише законот. Тој може да одлучи да не го потпише, ама тогаш ја блокираме демократијата – рече Заев.