Од Општината Ѓорче Петров велат дека наводите на градоначалничката Данела Арсовска се промашени и дека никогаш нелегално не депонирале отпад кај реката Лепенец, ниту создавале диви депонии, туку напротив го чистеле ѓубрето.
Порачаа градоначалничката Арсовска да провери во пунктот на Јавното претпријатие Комунална хигена во Карпош, каде, како што велат, јасно ќе види дека општинските служби таму го одлагале кабастиот отпад.
Во реакцијата на Општината се додава дека катастрофалното работење на јавните претпријатија, нехигиената, неуредените зелени површини, Арсовска нема да ги покрие со политички мотивирани прес-конференции.
На Арсовска и порачаа наместо да кажува ловечки приказни да се погрижи за проблемите на градот, односно булеварите, воздухот, како и чекањето по повеќе часови на автобуски превоз, кој согласно нејзините заложби треба да биде бесплатен.