Арачиновец си ја убил жената во семејниот дом

Маж на возраст од 40 години попладнево ја убил својата четири години помлада сопруга во семејниот дом во Арачиново.

Од Министерството за внатрешни работи за Фокус велат дека убиството било пријавено во 12.45 часот во полициското одделение во Арачиново. Сторителот веднаш бил приведен.

Според нашите неофицијални информации, мажот најверојатно ја удрил жената со некој тврд предмет во задниот дел од главата. Причините за убиството и мотивите засега не се познати. Полицијата ги истражува.