Апелација на 4 ноември ќе одлучува за затворската казна на Мијалков во „Титаник 2“

by fokus 15:16
15:16

На 4 ноември е закажана седницата на Апелациониот суд на која ќе се одлучува за затворската казна на поранешниот шеф на УБК, Сашо Мијалков, на кој Кривичниот суд во март годинава му пресуди три години затвор.

Мијалков беше осуден за примање награда за противзаконито влијание, односно дека преку лидерот на ДПА Мендух Тачи, побарал да му наложи на сопартиецот од ДИК Бедредин Ибраими да гласа за поништување на гласање во Струмица.

- Advertisements -
Banner 300x250_

Во првостепената пресуда што ја донесе Кривичниот суд во март годинава Тачи беше осуден на три години и два месеци, Бедредин Ибраими доби казна затвор од 4 години и 6 месеци, додека членовите на ДИК Влатко Сајковски, Сашо Срцев и Елизабета Стефановска добија по 3 години затвор.

На барање на СЈО, судот тогаш им определи притвор на Сашо Мијалков и на Бедредин Ибраими, а останатите четворица осудени добија мерки за претпазливост. По 60 дена поминати во куќен притвор, Мијалков и Ибраими беа пуштени на слобода до правосилност на пресудата.

Поврзани новости