Апелација ја потврди пресудата за „Диво Насеље“

Апелацискиот суд ја потврди првостепената пресуда за случајот „Диво Насеље“, односно сега и правосилно се осудени обвинетите, од кои седумина на доживотен затвор. Информацијата за „Фокус“ ја потврди судијата Сафет Кадриу.

Покрај осудените на доживотен затвор, за терористичкиот напад во кумановско Диво Насеље, 13 обвинети добија казна од 40 години затвор, 20 години петмина обвинети, две години помалку доби еден обвинет, а по двајца обвинети добија казна затвор од 14, 13 и 12 години.