Пратеникот и претседател на Левица, Димитар Апасиев денеска со нов статус на Фејсбук го критикуваше Западот и порача дека „колективниот Запад“ пропаѓа, а има повеќе показатели за тоа,
-Му нема спас, другари. Тоа е духот на Историјата. Само ако си платен сороспија тоа не го гледаш… Се забранува абортус, се држат невини луѓе со години во самици во Гвантанамо без обвинение и без право на одбрана, се екстрадира новинар кој откри воени злосторства во Ирак и Авганистан – за да скапе доживотно у затвор, се пука секојдневно по школи, плоштади и кафичи, се замрзнуваат имоти на странци и странски државни резерви без судска одлука, се цензурираат медиуми, се зголемуваат класните разлики и бројот на бездомници, се воскреснува неонацизам… Никакви цивилизирани правила веќе не важат. Ццццц, жал ме фаќа, искрено. Каков цивилизациски колапс! Каде ли само исчезнаа вредностите на хуманизмот и Ренесансата!? Ќе завршите бетер од Југославија, порача Апасиев.