Антикорупционерите под истрага во Обвинителство

Од Основното јавно обвинителство соопштија дека се истражуваат наводите за трошењето во Државната комисија за спречување на корупција.

„Основното јавно обвинителство Скопје оформи предмет по допрен глас ​за трошењето на буџетски средства од страна на членовите на Државната комисија за спречување на корупција. По објавите во медиумите, обвинителството презема дејствија за утврдување на фактите во предметот, за прибирање на податоци и на потребната документација од Управата за јавни приходи и други релевантни институции“, велат од Основното јавно обвинителство.