Антарктикот веројатно се затоплува со речиси двојно поголема брзина од остатокот од светот и побрзо отколку што предвидуваат моделите за климатски промени, со потенцијално далекусежни импликации за глобалното зголемување на нивото на морето, покажа научната студија, објави Гардијан.
Научниците анализираа 78 ледени јадра на Антарктикот за да ги рекреираат температурите од илјада години наназад и открија дека затоплувањето низ континентот е надвор од она што може да се очекува од природните промени.
Во Западен Антарктик, регион кој се смета за особено ранлив на затоплување со ледена покривка која би можела да го покачи глобалното ниво на морињата за неколку метри доколку се урне, студијата покажа дека затоплување е двојно повеќе од стапката што ја предлагаат климатските модели.
Климатолозите долго време очекуваа дека поларните региони ќе се загреат побрзо од остатокот на планетата – феномен познат како поларно засилување – и тоа е забележано на Арктикот.
Илјадници пилиња царски пингвини низ четири колонии на Антарктикот умреа во катастрофален неуспех при размножување кон крајот на минатата година, според новото истражување.
Антарктикот е со големина на континенталниот дел на САД и Мексико заедно.