Анкетната комисија продолжува со сослушувањата за случајот со Онкологија

Денеска продолжува работата на Анкетната комисија за утврдување на одговорност за скандалот во Онкологија.

За денеска се закажани сослушувања пред пратениците на сведоци и експерти и разгледување на акти и документи поврзани со скандалот во ЈЗУ Универзитетска клиника за радиотерапија и онкологија. Досега пред пратениците се појавија сегашни и поранешни функционери, министри, службеници и одговорни лица во Фондот за здравство, како и државниот ревизор Максим Ацевски, обвинителот Љубомир Јовески и министерот за внатрешни работи Оливер Спасовски.

Вкупно се планира да бидат сослушани 44 сведоци, а меѓу идните се и раководители и вработени на самата клиника.