Англија е шампион на Европа

Младата фудбалска репрезентација на Англија за играчи до 21 година  ја освои титулата европски првак, откако во финалето во Батуми, Грузија ја совлада Шпанија со 1:0 .
Стрелец на единствениот гол беше Куртис Џонс во  продолжението од првото полувреме, а херој беше голманот Џејмс Трафорд, кој го спаси голот од капитенот на Шпанија Абел Руиз од ВАР пенал во продолжението од второто  полувреме.

Англичаните испишаа историја бидејќи ја освоија титулата без примен гол.

Ова е нивна трета титула севкупно, а прва од 1984 година.