Ангелов си оди од МВР, ама ќе работи во Македонска навигација

Стојанче Ангелов си заминува од МВР за да може да ја води својата партија Достоинство. Сепак, тој од МВР ќе се префрли во М-НАВ (Македонска навигација) каде нема законско ограничување да може да раководи со политичка партија.

Тој денеска кажа дека на огласот за работното место во М-НАВ кадешто аплицирал, платата изнесувала 41.000 денари.

Ангелов вчера објави дека ќе си оди од МВР каде работеше како полициски советник,  бидејќи сака да се реактивира политички, а законот не го дозволува тоа за полициските советници.