Америка на 5-ти ноември ни кажа дека Русија ќе ја нападне Украина, рече Пендаровски

Американските разузнавачи ни ја дадоа информацијата дека Русија ќе ја нападне Украина, изјави претседателот Стево Пендаровски.

– Ја споделивме веднаш со институциите кои се под нас. Тоа беше на ниво на информација. Следниот месец, големите медиумски сервиси не веруваа во тоа, но кон крајот на декември, НАТО и ЕУ потврдија дека информацијата е точна.

Без паника на населението, ние се апдејтиравме во армијата, а ресурсите на разузнавачката служба беа насочени кон истокот за од таму да добиеме некаква информација. Во делот на стоковите резерви ние не чекавме 24 февруари, туку обезбедивме до грам се што треба, рече Пендаровски вечерашното гостување на Топ Тема.