Амди Бајрам: Бранко беше политички шампион

Првиот човек на Сојузот на Ромите, Амди Бајрам, во синоќешното гостување на „Еден на еден“, говореше за политичките случувања во Македонија и даде свое мислење за некогашните политички лидери.

Како што истакна тој, и покрај големото ривалство со Бранко Црвенковски, тие никогаш не ги нарушиле односите.

„Бранко беше политички шампион. Ситуацијата со „гол со петта“ и со „гол со глава“ беше една шега и подоцна излезе вистина. Кога излегов тогаш од говорница, го гледам Бранко како се смее. И ми рече: Ти ми даде гол со петта, а јас кога ќе дојдам на власт, ќе ти дадам гол со глава“, рече Бајрам.