Граѓани пријавиле барање на мито од страна на медицинари, кажа Азир Алиу, министер за здравство.
„Засега ова е непријавено до правосудните институции. Прво ќе ги провериме пријавите, па ќе видиме што понатаму“.
„Прва фаза е, не е добро да именуваме клиники. Имаме методологија, свесни сме дека кога креираме систем треба да одговараме“, рече Алиу.
Посочи и дека како Влада реализирале значајно зголемување на платите на здравствените работници, и тоа во износ од 4.815 денари нето за сите здравствени работници, а за медицинските сестри ова зголемување изнесува 6.200 денари.
– Го решивме долгогодишниот недефиниран статус на приватните специјализанти. Врз основа на донесената одлука на Влада за вработување 600 приватни специјализанти (300+300), веќе привршува реализацијата на првата фаза и во најголем дел од установите е завршена процедурата за вработување 300 млади специјализанти во јавните здравствени установи во државата. Веќе ја почнавме реализацијата и на втората фаза за следните 300 специјализанти, минатата недела на веб страната на Министерството беше објавен повикот за изразување интерес на специјализантите за вработување, истакна Алиу.