Алими: Ако сакав да избегам, немаше да дојдам од Швајцарија сам да се пријавам!

Абдулфета Алими, кој беше прогласен за виновен за настаните од 27 април, 2017 година во Собранието, денеска истакна дека нема план да бега и побара од судиите сериозно да го сфатат.

„Ви ветувам дека ни во ниеден момент не ми паѓа на памет да бегам. Да беше така, немаше да дојдам од Швајцарија сам да се пријавам. Сакам сериозно да ме сфатите дека ова ветување го давам пред целата јавност. Јас нема да живеам 200 години. Ве замолувам до потврда на Апелација да се бранам од слобода“, рече Алими.