794
Актерот Ал Пачино ќе мора да ѝ плаќа на својата 54 години помлада девојка Нур Алфалах повеќе од 30.000 долари месечно за алиментација, според документите до кои дојде „Пејџ сикс“.
Судот во Лос Анџелес, исто така, му нареди на славниот актер да ѝ плати однапред 110.000 долари на Нур пред да продолжи со месечните исплати, како и 13.000 долари за ноќна медицинска сестра и да ги плати сите медицински сметки кои не се покриени со здравственото осигурување.
Плус, на Пачино му беше наредено да плаќа 15.000 долари годишно во фондот за образование на неговиот најмлад син Роман.
Судијата, исто така, пресуди дека Алфалах и Пачино ќе имаат заедничко правно старателство, додека продуцентката ќе има примарно физичко старателство.
