Акција за донирање на храна во Неготино

По повод Недела на борба против гладот во Неготино ќе се одржат акции за собирање на храна која ќе им биде поделена на ранливите категории на граѓани.

Денес со почеток од 16 часот пред Кам Маркет и утре со почеток од девет часот на градскиот плоштад, ќе бидат поставени штандови каде хуманите граѓани ќе можат да ги остават своите донации.

Настанот е во организација на клуб на млади при ОО Црвен Крст Неготино, од каде информираат дека може да се донираат конзерви со храна, тестенини, грав, леќа, ориз, зимница, овошје и зеленчук.

В.К.