Акција на ГП Богородица – криминалците се обиделе да избегаат, па се забиле во столб

Денеска (04.11.2022) во 14.30 часот во с.Удово, валандовско, полициски службеници од Полициската станица за граничен премин и граничен надзор Богородица ги лишиле од слобода  Л.Р.(21) и А.М.(20), двајцата од Република Србија. При преглед во возило “мерцедес” со српски национални ознаки, кое го управувал Л.Р., а совозач бил А.М., биле пронајдени четири лица мигранти од Авганистан, информираат од МВР.

Претходно, возилото не застанало на знак за запирање, даден од полициски службеници, по што во обид да побегне удрило во столб на бензинска пумпа. Притоа, мигрантите се здобиле со повреди констатирани од екипа на Итна медицинска помош Валандово.
По целосно документирање на случајот, против лицата ќе биде поднесена соодветна кривична пријава.