Активната блокада на Собранието ќе стапи на сила во 10 мај, вели Николоски

Потпретседателот на ВМРО-ДПМНЕ, Александар Николоски вечерва информираше дека ИК на партијата го прифати предлогот на лидерот на партијата Христијан Мицкоски и најави активна блокада на Собранието по 10 мај.

-Активната блокада ќе стапи на сила во 10 мај, а дотогаш ДУИ И СДСМ да размислат и да се отвори за дијалог и да прифатат лидерска средба. Ние имаме најмногу пратеници и градоначалници. Волјата на граѓаните мора да се почитува. Сакаат да го понижат ВМРО-ДПМНЕ. Државата е во драматична ситуација. Доста е со чекање. Топката е сега кај СДСМ и ДУИ, да седнеме на лидерска средба и да го дефинираме датумот за лидерска средба. Имаат време нека размислат, изјави Николоски.