Американската сојузна држава Ајова одобри буџет од над девет милиони долари за ангажирање медицински сестри надвор од државата, бидејќи бројот на хоспитализации поради Ковид-19 продолжува да се зголемува, објави Вашингтон Егзаминер.
Ајова и нуди на компанија со седиште во Канзас околу 220 долари на час за медицински сестри кои ќе успее да ги испрати. Од нив се очекува да работат 20 часа прекувремена работа со 330 долари на час. Овој потег ќе ја чини Ајова повеќе од 15.000 долари неделно за една медицинска сестра, а најмалку 100 респираторни терапевти и медицински сестри веќе пристигнаа во Ајова.
Работниците надвор од државата ќе добијат платен престој во хотел и бонус за превоз. Кадровската агенција ангажирана од државата била користена во декември 2020 и јануари 2021 година. Трошоците за 100 дополнителни медицински сестри во тоа време изнесувале околу 6,9 милиони долари, се наведува во извештајот.