Лидерот на ДУИ, Али Ахмети и обвинителот Џелал Бајрами денеска треба да сведочат на рочиштето за случајот “Минструм”, по покана на обвинителите Фатиме Фетаи и Гаврил Бубевски.
На едно од претходните рочишта беа прочитани СМС пораки кои меѓусебе ги испраќале Џелал Бајрами, тогашниот заменик министер за внатрешни работи, и лидерот на ДУИ, Али Ахмети.
Тие разговараат неколку дена по петкратното убиство, односно Ахмети на 24 април во 7.34 часот, го прашува Бајрами каква е состојбата, по што добива одговор:
„Чекаме претседателе, нема многу јаки докази. Јасно се гледа дека биле професионалци. И на премиерот му реков. Не се случувало вака да егзекутираат деца од зад грб. Ова го немаше ниту во војната во Косово, ниту во војната во 2001 година. Ако некој сакал дестабилизација ќе нападнел униформирани лица, полициска станица… Мене ми наликува на сцени од војната во поранешна Југославија. Биле професионалци, не оставиле никакви траги, освен на трагите на гумите од автомобилот, му вели Бајрами на Ахмети.
Тогаш Ахмети го прашува дали имало биолошки траги внатре?
-Најдени се две траги внатре, но не одговараат на оние кои досега биле испрашани, вели Бајрами.
На претходното рочиште севдеочеа Гордана Јанкулоска и Љупчо Тодоровски Радбикот.
В.В.