Ахмедовски за отпуштените од Влада: Биле изманипулирани од ромските партии што беа на власт

Министерот без ресор, Аксел Ахмедовски при посетата на Делчево рече дека се бара решение за статусот на дваесетината Роми вработени во Владата кои добија откази, бидејќи претходниот период земале пата, а не оделе на работа.

Министерот додаде дека статусот на овие лица е голем проблем со кој се соочил по стапувањето на функцијата, бидејќи сите лица имале засновано работен однос врз основ на законот, но биле изманипулирани од ромските политички партии на претходната власт користејќи ги како гласачка машинерија.