Агелер: Санкциите ќе влијаат и на оние кои имаат бизнис со Камчев, по ставањето на црната листа на САД

Американската амбасадорка во Македонија Анџела Агелер на социјалните мрежи објави дека американското Министерство за финансии го назначи бизнисменот Јордан Камчев на црната листа на САД и дека ќе продолжат да таргетираат корумпирани поединци.

„Денеска Министерството за финансии го назначи бизнисменот Јордан „Орце“ Камчев за корупција, поткуп, перење пари и други кривични дела. Овие санкции не влијаат само на компаниите и имотот на г-дин Камчев, туку и на оние кои имаат бизнис со него. САД ќе продолжат да таргетираат корумпирани поединци кои го поткопуваат владеењето на правото и стабилноста на Северна Македонија. Корупцијата има последици“, напиша амбасадорката Ангела П. Агелер