Адвокатот Миленков нов претседател на Антикорупциска

by Фокус 13:46
13:46

Горан Миленков денеска е избран за претседател на новиот состав на Државната комисија за спречување на корупцијата. Тој најави транспарентна и јавна работа на Комисијата. Воедно Миленков изјави дека е длабоко убеден оти тој и сите останати членови со своите професионални етички карактеристики, ангажмани и стручни искуства што го имаат секој зад себе, ќе ја постигне целосно целта на законот на кој почива работата на Комисијата за спречување на корупцијата.

-Ветувам дека ќе бидеме транспарентни во своето работење и за сите наши одлуки јавноста навреме ќе биде известена, изјави Миленков.

- Advertisements -

Во врска со тоа дали Антикорупциската комисија ќе расправа за објавените наводно прислушувани телефонски разговори, Миленков изјави дека тоа не било тема на денешната седница.

Миленков и неговите нови колеги во Антикорупциска, Игор Тантуровски, Најдо Спасовски, Сузана Таскова-Аџикотарева и Жаклина Дамческа, Сеиди Халили и Фарије Алиу беа избрани од Собранието со 58 гласови „за“ и три „против“.

Поврзани новости