Адора на Чифлиганец купи нови 6 илјади акции во Комерцијална банка

Адора на Ванчо Чифлиганец стекна 6.413 обични акции издадени од Комерцијална банка АД Скопје, со што компанијата сега поседува вкупно 266.879 обични акции во банката, соопшти Македонска берза.

„Правното лице Адора Инженеринг ДООЕЛ Експорт-Импорт Скопје заедно со поврзаните лица поседува вкупно 266.879 обични акции, односно има учество од 11,71 отсто во основната главнина на Комерцијална банка АД Скопје“, стои во соопштението.