Драстично поскапува дизелот од полноќ, бензините поефтинуваат

Новите цени на горивата носат поевтин бензин, но значително поскап дизел.

Одлуката на Регулаторната комисија предвидува намалување на цената на бензините за 1,50 денари за литар.

Така, ЕУРОСУПЕР БС-95 ќе се продава по 99 денари, а БС-98 по 101 денар за литар.

Од друга страна, дизелот поскапува за 5,50 денари, па новата цена на ЕУРОДИЗЕЛ ќе изнесува 104,50 денари за литар и ќе важи по полноќ.

Се намалува и цената на екстра лесното масло за домаќинство (ЕЛ-1) за 7 денари, односно на 102,50 денари за литар.

Мазутот М-1 НС поскапува за 1,835 денари, па неговата нова цена ќе изнесува 50,078 денари за килограм, соопшти РКЕ.