Наместо новите светски шампиони, вниманието го привлече Доналд Трамп.
Американскиот претседател се најде во центарот на контроверзија откако одлучи да остане на подиумот додека шпанските фудбалери се подготвуваа да го подигнат трофејот, а снимката од непријатната сцена го обиколи светот.
Trump just refusing to leave when they’re lifting the trophy.
Infantino desperately trying to get him to move.
Circus. pic.twitter.com/JABUGKUWXm
— Out of Context Football Manager (@nocontextfm1) July 19, 2026
Шпанците го очекуваа моментот од соништата – пехарот во рацете, знамињата, фотографиите и славјето по големата победа над Аргентина. Но, тогаш камерите снимија сцена што веднаш стана вирална.
Американскиот претседател Доналд Трамп, кој учествуваше во церемонијата на доделување на трофејот, остана меѓу играчите на подиумот додека тие се подготвуваа за големата прослава. Во тој момент, вниманието на гледачите ширум светот се префрли од шампионите кон една необична глетка.
Претседателот на ФИФА, Џани Инфантино, се обиде да ја реши непријатната ситуација и да го насочи Трамп настрана, за капитенот на Шпанија да може да го подигне пехарот пред своите соиграчи и фотографите; сепак, Трамп по секоја цена сакаше да биде во центарот на вниманието.
A confused Trump overstays his welcome onstage and photobombs the FIFA World Cup winners as they hoist their trophy pic.twitter.com/DUpsV6iV3a
— FactPost (@factpostnews) July 19, 2026
Токму тој момент набрзо стана вирален и предизвика бројни коментари ширум светот. Следеше лавина од критики на социјалните мрежи:
„Тоа требаше да биде нивниот момент“, „Оставете ги фудбалерите да слават“, „Не е време за политика, туку за светските шампиони“ – ова се само дел од реакциите што се проширија на интернет по церемонијата.
Дополнително внимание привлекоа и свирежите од дел од публиката кога Трамп и Инфантино излегоа на теренот за време на доделувањето на трофејот.
Иако церемонијата продолжи, снимката од подиумот стана една од најкоментираните сцени на вечерта.
Додека играчите на Шпанија го очекуваа моментот што ќе го паметат до крајот на животот, Трамп ја оствари својата цел – стана главна тема на разговор.