Британскиот премиер Кир Стармер утре ќе ги угости лидерите на Украина, Франција и Германија на Даунинг стрит во Лондон на разговори за поддршка на Украина.
Украинскиот претседател Володимир Зеленски доаѓа во Велика Британија со францускиот претседател Емануел Макрон и германскиот канцелар Фридрих Мерц, објавува британскиот Гардијан.
Нивната средба доаѓа откако рускиот претседател Владимир Путин го отфрли предлогот на Зеленски за директни преговори за завршување на војната, велејќи дека таквата средба „нема цел“.
Денес, голем украински напад со беспилотни летала беше извршен врз вториот по големина град во Русија, Санкт Петербург, демонстрирајќи ја растечката способност на Киев да напаѓа длабоко на руска територија.
Во Украина, едно лице беше убиено, а тројца беа ранети синоќа во регионот Дњепропетровск кога руските сили погодија три области со беспилотни летала и артилерија, изјави шефот на тој регион, Олександр Ханџа.