216
Премиерот Христијан Мицкоски, денеска, пред дочекот на Новата 20206 година, со видео обраќање што беше објавено на неговата фејсбук страница на сите граѓани им посака да влеземе во Новата година со верба дека напорната работа ќе се исплати.
Неговото обраќање ви го пренесуваме интегрално:
Почитувани сограѓани, годината што ја испраќаме не беше лесна, таа беше година на сериозни предизвици!
Година во која државата мораше прво да застане на нозе.
После долг период на нестабилност, несигурност и на разнишани институции, беше неопходно да се направи стабилизација и консолидација.
Тоа беше услов без кој не можеше да се оди понатаму.
Реформите што ги отпочнавме не се козметички. Тие се длабински и суштински. Таквите реформи бараат време, но тие се предуслов за функционална држава и здраво општество.
Свесни сме дека за граѓаните најважно е како тоа се чувствува во секојдневниот живот.
Со право можам да кажам дека 2026 година ќе биде година на раздвижување и година на преобразба!
Година на раст, со реализација на значајни инфраструктурни проекти.
Година на економско зајакнување, со нови инвестиции, поддршка за стопанството и отворање можности за работа и развој. Година на вкупна преобразба на Македонија!
Година на надеж, но и на голема обврска!
Обврска да се испорачаат резултати!
Обврска да се оправда довербата од граѓаните
Обврска да се продолжи по патот на реформи, развој и стабилност!
На сите ви посакувам здравје, мир и сила!
Да влеземе во 2026 година со верба дека напорната работа ќе се исплати и дека Македонија ја движиме во вистинската насока.
Среќна нова година!
Поврзани содржини