Вкупно 305 кандидати се номинирани за овогодинешната Нобелова награда за мир, што е најмал број во последните четири години, објавија организаторите во средата.
Меѓу номинациите поднесени до крајниот рок на 1 февруари, 212 се поединци, а 93 се организации, соопшти Норвешкиот Нобелови комитет во Осло.
Осум години по ред бројот на кандидати надминува 300. Досегашниот рекорд од 376 кандидати е постигнат во 2016 година“, се вели во соопштението.
Одборот не ги објавува имињата на предлагачите и номинираните за медиумите, ниту за оние кои се натпреваруваат за престижната награда.
Победникот ќе биде објавен на почетокот на октомври. Потоа, наградата се доделува на 10 декември, на годишнината од смртта на пронаоѓачот на динамитот, Алфред Нобел (1833-1896), кој ги основал наградите.
Минатата година, Нобеловата награда за мир ја поделија активисти за човекови права од Белорусија, Русија и Украина.
