24-годишно момче почина играјќи фудбал во Кисела Вода

Дваесет и четиригодишниот Драган Крстев почина вечерва откако му се слошило додека играл фудбал во Кисела Вода. Навивачката група Комити, чиј член бил, се прости од него.

-Нашиот пријател и другар – Драган Крстев, вечерва ненадејно го напушти овој свет. Голема трагедија и огромна загуба. Драган беше поим за верност и знаеше како треба да се сака еден клуб. Сочувство до неговата фамилија и најблиските. Почивај во мир, пријателе, стои на Фејсбук страницата на Комити Кисела Вода.

Момчето се пожалило дека му е лошо и паднало на земја, по што веднаш било повикана брза помош. Лекар, кој бил присутен во близина се обидел да му пружи прва помош, но момчето не покажувало знаци на живот.