200 денари повеќе за „енергетски сиромашните“

by Фокус

Социјално загрозените граѓани наместо досегашните 600 денари предвидени со владиниот проект „Енергетска сиромаштија“, од јули ќе добиваат 800 денари. Владата оваа субвенција ја воведе во 2010 година, а сега најавува дека таа континуирано ќе расте.

-Веќе сега од јули, со сметките што ќе се плаќаат во јули, ќе биде 800 денари. Планот е, според програмата на Владата, следната година да биде 900 денари, а од 2017-2018-та година да биде 1000 денари, изјави денеска премиерот Никола Груевски.

За овој владин проект годинава од државната каса ќе се одвојат 1 милион и 317 илјади евра. Субвенциите се даваат за платена сметка за струја, парно или дрва.

Поврзани новости