Владата ќе ја разреши Ана Петровска директорката на Инспекторатот за животна средина?

by fokus

Владата наводно планира денеска да ја разреши Ана Петровска од директорската позиција во Државниот инспекторат за животна средина (ДИЖС), објави „360 степени“, повикувајќи се на свои извори.

Она што засега е познато дека Владата денеска во 14 часот ќе одржи седница на чиј дневен ред има и точка – кадровски прашања, но засега нема официјална потврда на оваа шпекулација.

Петровска пак утринава имаше прес конференција, за сработеното во изминатите шест месеци,  на која што рече дека додека Владата не донесе таква одлука таа ќе се воздржи од коментари. Таа важи за досега најуспешната директорка на оваа институција.

„Фокус“ се обиде да добие официјална информација за овој случај, но од Владата засега не добивме повратен одговор.

Јавна тајна е дека Петровска, која за директорка дојде како кадар на ДОМ, е во конфликт со лидерката на партијата, Маја Морачанин, и дека евентуалното разрешување може да се смета за кулминација на внатрепартиските случувања.

Поврзани новости