Силјановска: Моментот на формирање на владата потсетува кога во зоолошка се хранат животните

Пратеничката Гордана Силјановска, на денешната собраниска расправа заклучи дека новата влада ќе биде машка, по однос на соодносот на мажи и жени министри.

-Оваа влада е изразито машка, 20 мажи и само 4 жени. Што друго да кажам, рече Силјановска.

Таа во продолжение истакна дека никој не сака да навреди, користејќи изјава на британски професор.

-Моментот на формирањето на владата потсетува кога во зоолошката градина се хранат животните. Тоа не е навредливо, не сакам никого да навредам, туку реалност која тој ја наведува, истакна Силјановска.

Во моментот пратениците се на пауза, а набрзо седницата ќе продолжи и ќе трае до 19.30 часот.