Пронајдена почината жена која била пријавена за исчезната

Во реката Вардар, во близина на мостот кај велешкото село Кочилари, полицијата вчера ја пронајде почината М. К. (55) од село Сојаклари, Велешко.

Како што соопшти МВР, телото на починатата го пронашле полициски службеници од Специјалната антитерористичка единица „Тигар“.

За М.К. на 31 декември 2022 година во СВР Велес било пријавено дека се оддалечила од домот.

Увид на местото извршила екипа од СВР Велес, а по наредба на Јавен обвинител телото на починатата било дадено на обдукција.