(ВИДЕО) Македонскиот армиски тим учествуваше во спасувањето на 5-годишниот Сулејман во Турција

Македонскиот армиски тим денеска учествувал во извлекувањето на петгодишниот Сулејман од под урнатините во градот Кахраманмараш во Турција.

„Армискиот тим, кој е ангажиран во активностите за пребарување на теренот, пронаоѓање и извлекување на евентуално преживеаните во градот Кахраманмараш, во попладневните часови асистираше во успешно спроведена акција за спасување на млад човечки живот од урнатините“, се наведува во соопштението од Министерството за одбрана.

Како што беше објавено и од Министерството за одбрана, станува збор за 22 припадници на Баталјонот за специјални сили, но и две кучиња обучени за трагање и двајца водачи.