Портпаролката на руското Министерство за надворешни работи, Марија Захарова, денес изјави дека Косово, со својата квази-независност, е „дете на Западот и плод на агресијата на НАТО во 1999 година“ и нагласи дека Белград одамна покажа дека е способен за договор и дека има искрени намери, но дека и покрај тоа добива закани и уцени.
„Денес, гледаме како спонзорите на тој проект, со лицето на Вашингтон, Брисел, се справуваат со легализацијата на одвојувањето на таа првобитна српска земја од Србија, го возвишуваат Курти во сите свои идеи, замижуваат пред отворената саботажа, извршена од претставниците на Приштина, на сопствените обврски. Прво на сите, тоа е воспоставувањето на Заедницата на српски општини во Република Косово. Сето ова беше договорено и потврдено и на меѓународно ниво“, рече Захарова, пренесува Спутник.
Таа изјави дека на Западот не му се допаѓа ставот на Србија за непризнавање на Косово и недавање место на Приштина во Обединетите нации.