Загина 20-годишник, со мотоциклот удрил во бетонски столб

Дваесетгодишен мотоциклист од кумановско почина откако удрил во бетонски столб во атар на село Орашац кон патот Куманово – Свети Николе, соопштија денеска од полицијата.

– Вчера околу 21.00 часот во СВР Куманово е пријавено дека на локален пат од село Орашац, кумановско, кон регионален пат Куманово – Свети Николе, М.П.(20) од с. Доброшане, кумановско, управувајќи мотоцикл „БМВ“ без регистарски ознаки, изгубил контрола и удрил во бетонски стол. Од здобиените повреди мотоциклистот починал на местото, а смрт констатирал лекар од Итна медицинска помош – информираше МВР.

Увид извршила екипа од СВР Куманово, а по наредба на јавен обвинител телото на починатиот било дадено на обдукција.