Во хотел во Охрид почина 70-годишна туристка од Германија

Седумдесетгодишна германска државјанка била пронајдена почината доцна синоќа во хотел на кеј „Македонија“ во Охрид, информира Министерството за внатрешни работи.

Според информациите, случајот бил пријавен во СВР Охрид во 23:40 часот, откако во хотелот било пронајдено безживотното тело на Б.Х.К. (70) од Германија.

Лекар од Итната медицинска помош извршил преглед и констатирал смрт, при што не биле забележани траги на насилство.

По наредба на јавен обвинител, телото на починатата е предадено на обдукција, која треба да ги утврди точните причини за смртта.