(ВИДЕО) Убиен е 26-годишник во скопски Дуќанџик

Дваесет и шестгодишник е убиен синоќа во скопската населба Дуќанџик.

Првичните информации се дека младиот маж е застрелан со повеќе куршуми во главата и во телото.

Итна медицинска помош го пренела на Ургентниот центар во Скопје, каде и покрај обидите на лекарите да му укажат медицинска помош, тој починал од здобиените повреди.

Нема официјални информации за околностите под кои се случило убиството, како и за идентитетот на сторителот и можните мотиви.

Се очекува МВР да соопшти повеќе детали за случајот.