СВР Скопје поднесе пријава за нелегален приклучок од фекална во атмосферска канализација на булевар „Словенија“

СВР Скопје извршил увид на булевар „Словенија“ во врска со пријавата за нелегален приклучок од фекална во атмосферска канализација за потребите на објект сопственост на правно лице од село Глумово, општина Сарај.

Како што соопшти денеска МВР, при увидот било констатирано дека на булеварот е извршен наведениот ископ, по што од Одделението за безбедност на патниот сообраќај при СВР Скопје кон правното лице и одговорното лице во правното лице се преземени соодветни мерки и поднесена е прекршочна пријава согласно член 14 од Закон за безбедност на сообраќајот на патиштата.