Фудбалерите на Ал Хилал се пласираа во четвртфиналето на Светското клупско првенство, откако го победија Манчестер сити со 4:3 по продолжение во осминафиналето во Орландо.
Бернардо Силва му донесе водство на Манчестер сити со гол во деветтата минута, а Маркос Леонардо израмни за Ал Хилал со гол во 46-та минута.
Малком му донесе водство на клубот од Саудиска Арабија со гол во 52-та минута, а Ерлинг Халанд израмни гол три минути подоцна.
По 90 минути игра, резултатот остана 2:2, а првиот гол во продолжението го постигна дефанзивецот на Ал Хилал, Калиду Кулибали, во 94-та минута.
Манчестер сити повторно израмни со голот на Фил Фоден во 104-та минута, а Маркос Леонардо го постигна победничкиот гол за Ал Хилал во 112-та минута.
Ал Хилал ќе игра против Флуминенсе во четвртфиналето, во натпревар закажан за петок во Орландо.
Екипата на Интер одигра блед натпревар против Флуминенсе во осминафиналето на Светското клупско првенство и загуби со конечни 0-2 (0-1), завршувајќи го својот настап во првата рунда од нокаут-фазата.
