Сред кружен тек 20-метарски крст ќе се постави на „Партизанска“ во Штип

Советниците на денешната седница на Советот на општина Штип изгласаа поставување на крст висок 20 метри, кој ќе биде поставен во средината на новиот кружен тек кој ќе се гради кај АМСМ во Штип, објави ММС.

Крстот ќе биде донација од бизнис секторот и е планиран на местото на сегашните дивоградби на булеварот „Партизанска“.

Во септември би требало да биде готов, кога и кружниот тек.

На денешната седница не беше соопштен податок за вредноста на оваа донација.