Попладнево се одржа работен состанок на пратеничката група на СДСМ. Во фокусот се предложените законски решенија на СДСМ за намалување на цените на горивата и храната во услови на криза.
„Недозволиво е цените да растат а владата да одбива да ги покачи платите и две недели да не презема никакви мерки да го заштити стандардот на граѓаните. Растот на цените на горивата повлекува и раст на цените на основните прехранбени производи а тоа ќе значи зголемување на сиромаштијата и пад на стандардот“ се вели во партиското соопштение.
„СДСМ подготви законски решенија за намалување на стапката на ДДВ од 18% на 5% за горивата, понатаму намалување на акцизата за 4 денари, закон за укинување на ДДВ за основните прехранбени производи и закон за преполовување на цените на патарините, владата мора итно да ги прифати. Пратеничката група на СДСМ останува посветена на интересот на граѓаните и ќе продолжи да се бори за поголеми плати за работниците и решенија за подобар животен стандард“ е ставот на пратениците од СДСМ.
Тие велат „последната анкета покажуваат незапаметен пад на ВМРО токму поради разочарувањето кај граѓаните од лошата економска состојба, немањето никаков резултат, криминалот и корупцијата. Сега на сите им е јасно зошто за првпат таа анкета не е презентирана пред јавноста. Последната анкета покажува поддршка за СДСМ во борбата против криминалот и корупцијата и дека граѓаните ја препознаваат заложбата за враќање на европскиот пат на Македонија“.