Руски напад со дрон врз автобус во градот Никопол – тројца мртви и 12 ранети

Три лица се убиени, а 12 повредени во руски напад врз автобус во Никопол утрово.

Веста ја објави Олександр Ханжа, началник на воената администрација на регионот Дњепропетровск, пишува Украинска правда.

„Три лица се убиени, а 12 се ранети. Непријателот нападна градски автобус во центарот на Никопол со дрон“, објави Ханжа.

Според него, автобусот се приближувал кон постојката во времето на нападот, поради што имало луѓе и во возилото и на постојката.

„Ова не бил случаен напад. Тоа бил намерен терор врз цивили – врз луѓе кои едноставно си ги извршувале своите секојдневни обврски“, рече тој.