Стојанчо Радичевски од ВМРО-ДПМНЕ, Јовица Радевски од СДСМ, Јакуп Хусеин од ВРЕДИ или Аркин Јахији од ДУИ ќе биде нов градоначалник на општина Брвеница на изборите закажани за 18 октомври по ненадејната смрт на градоначалник Јовица Илиевски.
ВМРО-ДПМНЕ денеска ја поднесе кандидатурата на Радичевски до ДИК.
Од СДСМ информираа дека нивниот канидидат Јовица Радески доаѓа од приватниот сектор кој „целиот свој работен стаж го има посветено на граѓаните, како ветеринар и како советник“.
Кандидатот на ДУИ и Алијанса за Албанците за градоначалник на Брвеница – Јахији е државен советник за бесплатна правна помош во Министерството за правда.
Од ВРЕДИ за нивниот кандидат Хусеини рекоа дека е магистер по правни науки и моментално работи како државен службеник во Општина Брвеница.