Грац, вториот по големина град во Австрија, денес престана. Прогласена е тридневна жалост. Од синоќа, граѓаните палат свеќи и оставаат цвеќе пред училиштето, кое стана место на масакр каков што овој инаку мирен европски град не памети.
Според соопштението од полицијата, меѓу малолетните жртви на вчерашниот масакр во Грац има ученички на возраст меѓу 14 и 17 години. Убиена е и една наставничка, но нејзината возраст не е објавена поради заштита на приватноста, објавува „Клејне Цајтунг“.
Освен една малолетничка со полско државјанство, сите мртви, според Управата за покраинска полиција, биле исклучиво австриски државјани.
Според полицијата, повредените биле на возраст меѓу 15 и 26 години. Освен две лица со романско државјанство и едно од Иран, сите други се австриски државјани.
Според податоците од Штаерската болница (KAGes), сите повредени денес се во стабилна состојба.
Во среда наутро во Универзитетскиот клинички центар LKH имало вкупно уште шест пациенти, од кои четворица се на интензивна нега, додека двајца веќе се префрлени на одделот за редовна нега.
Едно лице, кое беше во критична состојба во вторник, сега е, како и другите, во стабилна состојба. Едно повредено лице сè уште е на интензивна нега во болницата LKH Грац II/Запад, пишува Kleine Zeitung.