Најмалку 14 лица убиени во руски напад врз Киев

Најмалку 14 лица загинаа во Киев како резултат на комбиниран руски воздушен напад во текот на ноќта, изјави началникот на Градската воена администрација на Киев (КМВА) Тимур Ткаченко.

„Според прелиминарните податоци, 14 лица загинаа во Киев. Информациите сè уште се проверуваат“, рече Ткаченко на Телеграм, пренесува Укринформ.

Тој истакна дека главниот град доживеал уште една тешка ноќ, со нови жртви, повреди, уништени куќи и страв кај граѓаните.